اعرفكم على Alice عروستي الي سميتها Luna ..^^

راح اعرفكم اليوم على عروستي ,,
والاكيد انو في بعضكم عجبتهم .. { ينااااسوو تجنن } >> ايواا هاا والا مو كدا !!؟
وبالتالي البعض الاخر ما عجبتو  بمعنى اخر { ووووععع }
طيب من الاخر يبقول الي { ووووععع } لا يكمل الموضوووع لاني راح اتوسع فيه ,,
 واكيد حبايبي الي عجبتهم ,, اتوقع منكم تكملو الموضوع للاخر..

يلا بسم الله نبدأ ,,
^^

الاسم : Alice  سميتها Luna { يعني قمر بالاطالي }

من عائلة :Pullip     }} طيب مين دي العيلة ؟!!

الــ pullip هي نوع من انواع العرايس { تصنع خصيصا في اليابان وتكون عادة على شكل انيمي ومن الممكن انهم يصنعو على شكل انسان محدد بينما انو في نوع منها يصنع على اشكال دمى برؤوس حيونات < انا بيني وبينكم خفت من دا النوع >  وممكن تكون دي العرايس باحجام الي اعرفها صغيرة وكبيرة >> راح اعرفكم عليها في الموضوع بس صبر عليا شوية ..<< يندرج  تحت الـ pullip عدة انواع برضو راح نتطرق لها بس قليل لاني ا اعرف اعنها }

طولها : 31 سمـ تقريا يعادل 12"  >> اتكلم عن عروستي وهي الكبيرة ..

مميزاتها :  

1\ تقدرو تفكو اجزاء جسمها وترجعوها تاني ..

2\ شعرها جدا ناعم ..

3\ تحريك العينين يمين ويسار + التحكم في كونها مفتوحة او مغلقة ..

4\ فيها ميزات كثييييرة ولكن هادي افضلها 

ملاحظاتي :

وجهها احسو جدا دقيق الصنع يعني عنجد مرة رائعة وشعرها كثيييف يعني ما احس انها صلعاء ابدا

اسعارها جدا عالية .. ويعتبر من عيوبها,,

اتوجهت ليا كثير من الانتقادت لما اشتريتها وعرفو الناس عنها ,, يعني ما انصح احد يشتريها ,,

على قول ماما : من نحفها اخاف تنكسر في يدك ..ولكن انا ما شوفت اقوى منها ما شاءالله..

لاحظت على نفسي اني بدات اشتغل لها ملابس وكروشيه وكدا مع اني من اكتر الناس الي يتعصبو من شي اسمو خياطة ><

صراحة انا مرة حبيتها مع اني كبيرة على هاي الاشياء الا اني اعشقها.. يمكن يكون احد الاسباب اني اتفرج درمات كورية كتير ههههههXD

صح لاحظت انو بعض الناس يخافو من عيونها مع اني اشوفها اكوووت شي..

راح اتطرق لبعض انواع البوليب بشكل سريع لاني ما اهتم في الشي دا كتيير 

انوعها,,

1\ Namu

2\ Taeyang

3\ Dal

4\ Byul

5\Little Pullip and Little Dal

النوع دا هو الي قلت انو صغير وطولها :4.5 "

6\ Isul

كنت راح اتكلم بشكل مفصل عن انواعها لكن اتراجعت ..

نظراً لانه.. لها كاستم اوعادات ما توافق دييننا .. وقد يكون في لبسها او شكلها او الاستيال تبعها ..

وانا الي اخترتها راعيت انها ما تكون بـ اي عادات او تقاليد خاصة << تقدرو تطلبوها بدون ملابس ,,

تقرير مفصل في الويكيبيديا

التقرير باللغة الانجليزية 

اضغطو على الكلام عشان تقدرو تنتقلو للتقرير

احذر كل الي يفكرو في سرقة الموضوع لانو من تعبي وجهدي وما احلل سرقتو باي وجه كان .. الامانة ثم الامانة

اخيرا وليس اخراً ,,
احب اعرف ازا استمتعتو في الموضوع ..
 يمكن ما اعطيتو حقوو ولكن ازا اعرف اشياء افضل راح ارجع احطها,,
ووو انشاء الله راح احط كل الي راح اعملو لـ Alice هنا في المدونة ,, شوفوها واعطوني اراءكم


Ms.Lo0oLi©2012